"IT ரெய்டு" - தமிழகத்தில் கால் வைத்ததும் முதல்வரின் நெத்தியடி

சிங்கப்பூர், ஜப்பான் நாடுகளில் 9 நாள் பயணத்தை முடித்துக் கொண்டு முதல்வர் ஸ்டாலின் நேற்றிரவு சென்னை திரும்பினார். சென்னையில் இருந்து கடந்த 23-ம் தேதி சிங்கப்பூர் சென்ற முதல்வர் மு.க.ஸ்டாலின், அந்நாட்டு தொழில் நிறுவனங்களின் தலைவர்கள், அமைச்சர்கள் ஆகியோரை சந்தித்து வர்த்தக உறவுகள், முதலீடுகள் குறித்து பேசியதுடன், அடுத்த ஆண்டு ஜனவரியில் சென்னையில் நடைபெறும் உலக முதலீட்டாளர் மாநாட்டுக்கு வரும்படி அழைப்பு விடுத்தார்.

அங்கிருந்து 25-ஆம் தேதி ஜப்பான் சென்ற முதல்வர், ஜப்பானில் உள்ள தொழில் நிறுவனங்களை நேரில் பார்வையிட்டு, அதன் தலைவர்களையும், அந்நாட்டு அமைச்சர்களையும் சந்தித்துப் பேசினார். அப்போது, ஜப்பான் தொழில் நிறுவனங்களுடன் புரிந்துணர்வு ஒப்பந்தங்கள் கையெழுத்தாகின.

இந்நிலையில், 9 நாள் பயணத்தை முடித்துக் கொண்டு அவர் நேற்றிரவு சென்னை திரும்பினார். விமான நிலையத்தில் செய்தியாளர்களுக்கு பேட்டி அளித்த முதல்வர் ஸ்டாலின், இந்தப் பயணத்தின்போது, ஜப்பான், சிங்கப்பூர் நிறுவனங்களுடன் ரூ.3,233 கோடிக்கு புரிந்துணர்வு ஒப்பந்தங்கள் கையெழுத்தாகி இருப்பதாக கூறினார்.