விறுவிறுப்பாகும் உலகக்கோப்பை ஹாக்கி..! - அரையிறுதிக்குள் நுழையுமா ஆஸ்திரேலியா?

ஒடிசாவில் நடைபெற்றுவரும் ஆடவர் ஹாக்கி உலகக்கோப்பை தொடரில் இன்று 2 காலிறுதி ஆட்டங்கள் நடைபெற உள்ளன. புவனேஸ்வரில் உள்ள கலிங்கா மைதானத்தில் மாலை 4.30 மணிக்கு நடைபெறும் போட்டியில் பலம் வாய்ந்த ஆஸ்திரேலிய அணியுடன் ஸ்பெயின் மோதவுள்ளது. இரவு 7 மணிக்கு இதே மைதானத்தில் நடைபெறும் மற்றொரு காலிறுதி போட்டியில் நடப்பு சாம்பியன் பெல்ஜியத்துடன் நியூசிலாந்து பலப்பரீட்சை நடத்த உள்ளது. கிராஸ் ஓவர் போட்டியில் இந்தியாவை வீழ்த்தி அதிர்ச்சி அளித்த நியூசிலாந்து, பெல்ஜியத்தையும் ஆட்டம்காண வைக்குமா என்ற எதிர்பார்ப்பு ஏற்பட்டு உள்ளது.