சென்னை உயர்நீதிமன்ற வளாகத்தில் இரண்டு ரவுடிகளை பட்டாக்கத்தியோடு ஓட ஓட விரட்டி கொலை செய்ய முயன்ற கும்பல்

சென்னை தண்டையார்பேட்டையை சேர்ந்தவர் யுவராஜ். சரித்திரப்பதிவேடு ரவுடினாயன இவர், கஞ்சா வழக்கு தொடர்பாக நீதிமன்றத்தில் ஆஜராகிவிட்டு, உயர்நீதிமன்ற தெற்கு நுழைவுவாயில் வெளியே நண்பர் சந்தோஷ் என்பவரோடு நின்று பேசிகொண்டிருந்தார். அப்போது, இருசக்கர வாகனத்தில் வந்த 3 பேர் கொண்ட கும்பல் பட்டாக்கத்தியோடு ஓட ஓட விரட்டியிள்ளனர். அலறியடித்து உயர்நீதிமன்ற வளாகத்திற்குள் ஓட்டம் பிடித்த 2 பேரும், பாதுகாப்பு பணியில் இருந்த காவலர்களிடம் தஞ்சம் புகுந்தனர். விசாரணையில், A+ சரித்திரப்பதிவேடு ரவுடி குள்ளகார்த்திக் என்பவர் முன்பகை காரணமாக நண்பர்களுடன் சேர்ந்து கொலை செய்ய முயன்றது தெரிய வந்த‌து. இதையடுத்து, அவர்களை பிடிக்க 2 தனிப்படைகளை அமைத்து போலீசார் தேடி வருகின்பனர்.