கண்டிப்பாக வெல்லும் என பெரிதும் எதிர்பார்க்கப்பட்ட இந்திய படம் - ஆஸ்கர் விழாவில் அதிர்ச்சி

பெரிதும் எதிர்பார்க்கப்பட்ட அனுஜா குறும்படம், ஆஸ்கர் விருதை தவற விட்டுள்ளது.

97-வது ஆஸ்கர் விருது வழங்கும் விழா லாஸ் ஏஞ்சஸில் நடைபெற்றது. இதில், லைவ் ஆக்‌ஷன் குறும்பட பிரிவில் (LIVE ACTION SHORT FILM) இந்தியாவைச் சேர்ந்த 'அனுஜா' என்ற குறும்படம் ஆஸ்கர் விருதுகளுக்கான இறுதிப்பட்டியல் இடம்பெற்றிருந்தது. ஆடம் ஜெ கிரேவ்ஸ் இயக்கியுள்ள இந்த குறும்படம் குழந்தை தொழிலாளர்கள் பிரச்சினையை பற்றி பேசுகிறது. இந்த படத்தை பிரபல பாலிவுட் நடிகை பிரியங்கா சோப்ரா தயாரித்துள்ளார். இந்த குறும்படத்திற்கு நிச்சயமாக ஆஸ்கர் விருது கிடைக்கும் என்று எதிர்பார்க்கப்பட்டது. ஆனால், துரதிஷ்டவசமாக இப்படத்திற்கு ஆஸ்கர் விருது கிடைக்கவில்லை. அந்த பிரிவுக்கான விருதை 'ஐ அம் நாட் எ ரோபோட்' என்ற படம் (I'M NOT A ROBOT) வென்றது. இந்த நிலையில் ஆஸ்கர் விருதை தவறவிட்ட 'அனுஜா' குறும்படம் வருகிற 5ம் தேதி, ஓ.டி.டி தளத்தில் வெளியாகிறது..