கவனத்தை ஈர்த்த அம்மா உணவக பெயர் பலகை

மதுரையில் அம்மா உணவக பெயர் பலகையில் முன்னாள் முதலமைச்சர்கள் ஜெயலலிதா மற்றும் கருணாநிதியின் படங்கள் இடம்பெற்றுள்ளது அனைவரது கவனத்தையும் ஈர்த்துள்ளது. மதுரை மாநகராட்சியில் மொத்தம் 12 அம்மா உணவகங்கள் செயல்பட்டு வருகின்றன. இந்த நிலையில், ஜெய்ஹிந்த் புரம் அம்மா உணவகத்தில் வைக்கப்பட்டுள்ள பெயர் பலகை தற்போது பலரது கவனத்தையும் ஈர்த்துள்ளது. பெயர் பலகையின் ஒருபுறம் ஜெயலலிதா புகைப்படமும், மற்றொரு புறம் கருணாநிதியின் புகைப்படமும் இடம்பெற்றுள்ளது. இந்த பெயர் பலகை சமூக வலைதளங்களிலும் வேகமாக பரவி வருகிறது.