மருத்துவ படிப்பில் இதர பிற்படுத்தப்பட்டோருக்கு இடஒதுக்கீடு - மாநிலங்கள் முடிவெடுக்கலாம் என மத்திய அரசு பதில் மனு
மருத்துவ படிப்புகளில் மத்திய ஒதுக்கீட்டில் ஒதுக்கப்படும் இடங்களில் அந்தந்த மாநிலங்களுக்கு ஏற்ற வகையில் இடஒதுக்கீடு வழங்கலாம் என மத்திய அரசு சென்னை உயர் நீதிமன்றத்தில் தெரிவித்துள்ளது.;
மருத்துவ படிப்புகளில் மத்திய அரசு ஒதுக்கீட்டுக்கு ஒதுக்கப்படும் இடங்களில் இதர பிற்படுத்தப்பட்ட வகுப்பினருக்கு 27 சதவீதம் இடஒதுக்கீடு வழங்க கோரி திமுக, பாமக உள்ளிட்ட கட்சிகள் சென்னை உயர் நீதிமன்றத்தில் வழக்கு தொடர்ந்திருந்தன. இந்நிலையில் மத்திய அரசு சார்பில் தாக்கல் செய்யப்பட்ட பதில் மனுவில், மத்திய அரசு இடஒதுக்கீட்டில் எஸ் எஸ்டி பிரிவினருக்கு வழங்கப்படும் இடங்கள் பாதிக்கப்படாத வகையில், அந்தந்த மாநிலங்கள் 50 சதவீதத்திற்கு உட்பட்டு இதர பிற்படுத்தப்பட்டவருக்கு இடஒதுக்கீடு வழங்கலாம் என தெரிவித்துள்ளது. இந்த வழக்கு வரும் திங்கள்கிழமை விசாரணைக்கு வருகிறது.