அமெரிக்கா செல்ல கனடா, மெக்சிகோ எல்லைகளில் தளர்வு

கொரோனா பரவல் தொடங்கிய உடன், 2020 மார்ச் மாதத்தில் விதிக்கப்பட்ட, எல்லை கட்டுப்பாடுகளை தளர்த்த உள்ளதாக, அமெரிக்க உள்நாட்டு பாதுகாப்புத் துறை செயலாளர் அலெஜான்ட்ரோ மேயர்காஸ் வெளியிட்டுள்ள அறிக்கையில் கூறப்பட்டுள்ளது. மெக்சிகோ மற்றும் கனடா நாடுகளில் இருந்து சாலை மார்கமாக அமெரிக்காவிற்கு சுற்றுலா வரும், இரண்டு டோஸ் தடுப்பூசி செலுத்திக் கொண்ட வெளிநாட்டினருக்கு நவம்பர் மாதம் முதல், அனுமதியளிக்கப்பட உள்ளதாக கூறினார். நண்பர்கள் மற்றும் உறவினர்களை சந்திக்க சாலை மார்கமாக அமெரிக்கா வருபவர்களுக்கும் அனுமதியளிக்கப்பட உள்ளது.