வௌவால்களின் மாதிரிகள் சேகரிப்பு - கம்போடிய ஆய்வாளர்கள் கொரோனா வைரஸ் தொற்று குறித்து ஆய்வு

10 ஆண்டுகளுக்கு முன்பு, இதே போன்ற வைரஸ் கண்டுபிடிக்கப்பட்ட அதே பகுதிக்கு ஆய்வாளர்கள் திரும்பியுள்ளனர். ஸ்டங் ட்ரெங் மாகாணத்தில்,குதிரை வாலி வவ்வால்களிடம் இருந்து கடந்த 2010ம் ஆண்டு எடுக்கப்பட்ட 2 மாதிரிகள் ஆய்வகத்தில் பாதுகாத்து வைக்கப்பட்டன. கடந்த வருடம் அவற்றில் மேற்கொள்ளப்பட்ட ஆய்வில், பாதுகாக்கப்பட்ட மாதிரிகள் கொரோனா வைரசோடு ஒத்துப் போவதாகத் தெரிவிக்கப்பட்டுள்ளது. இந்நிலையில், 8 பேர் கொண்ட ஐபிசி ஆராய்ச்சி குழு, 1 வாரமாக வவ்வால்களிடம் இருந்து மாதிரிகளை சேகரித்து, தீவிர ஆய்வுகளை செய்து வருகிறது. இதே போன்ற ஆராய்ச்சி பிலிப்பைன்சிலும் நடந்து வருகிறது. இது குறித்து பேசிய ஆய்வாளர்கள், தங்களின் ஆராய்ச்சி, கொரோனா வைரஸ் குறித்த புரிதலை ஏற்படுத்த முயலும் என்று தெரிவித்தனர்.