அமெரிக்காவில் அதிகரிக்கும் கொரோனா தொற்று - மருத்துவமனைகளில் முழுவதும் நிரம்பிய படுக்கைகள்

பிரிட்டனில் இதுவரையில் இல்லாத வகையில் ஒரே நாளில் கொரோனாவினால் பாதிக்கப்பட்டவர்கள் எண்ணிக்கை 53 ஆயிரத்தை தாண்டியுள்ளது. அங்கு புதிய வைரஸ் தொற்றால் மருத்துவமனையில் அனுமதிக்கப்படுவோர் எண்ணிக்கையும் அதிகரித்துள்ளது.  பிரிட்டனில் உருமாறிய புதிய வகை கொரோனா வைரஸ் தொற்றின் வேகம் அதிகரித்துள்ளது. அங்கு இதுவரையில் இல்லாத வகையில் நேற்று செவ்வாய் கிழமை 53 ஆயிரத்து 135 பேர் தொற்றினால் பாதிக்கப்பட்டு உள்ளனர் என்றும் 414 பேர் உயிரிழந்து உள்ளனர் என்றும் தெரிவிக்கப்பட்டுள்ளது. இதில் மற்றொரு அதிர்ச்சி தகவலாக அனைத்து பாதிப்புகளும் தரவுகளும் வெளியிடப்படவில்லை எனக் கூறப்படுகிறது. நாட்டில் கொரோனா தொற்றின் மூன்றாவது அலையில் பாதிக்கப்படுவோர் எண்ணிக்கையும், மருத்துவமனையில் அனுமதிக்கப்படுவோர் எண்ணிக்கையும் அதிகரித்து உள்ளது. இதனால், அந்நாட்டு சுகாதார அமைப்பு எதிர்பாராத நெருக்கடியை எதிர்க்கொண்டுள்ளது சுகாதாரத்துறை செயலாளர் கூறியுள்ளார். ஊரடங்கையும் மீறி வைரஸ் பாதிப்பு அதிகரித்து வருவதால், பள்ளிகள், கல்லூரிகள் திறப்பு தள்ளி வைக்கப்படலாம் என எதிர்பார்க்கப்படுகிறது.