மலையில் இருந்து கீழே இறக்கப்பட்ட தி.மலை தீப கொப்பரை

திருவண்ணாமலை மலை உச்சியில் இருந்த தீப கொப்பரை, அண்ணாமலையார் கோயிலுக்கு எடுத்து வரப்பட்டது. கார்த்திகை தீபத்திருவிழாவை முன்னிட்டு, கடந்த நவம்பர் 26-ஆம் தேதி மலை உச்சியில் மகா தீபம் ஏற்றப்பட்டது. இதனைத் தொடர்ந்து, மகா தீப தரிசனம் முடிவடைந்த நிலையில், தீப கொப்பரையை கட்டளைதாரர்கள் சுமந்து கோயிலுக்கு எடுத்து வந்தனர். இதன் பின்னர், கோயிலில் கொப்பரைக்கு தீப ஆராதனைகள் செய்யப்பட்டது.