பட்டப்பகலில் சவுக்கு சங்கர் ஆதரவாளர்களை தாக்கிய மர்ம கும்பல்... வலைவீசி தேடும் போலீஸ்

கரூர் மாவட்டம் வேலாயுதம்பாளையத்தை சேர்ந்த வழக்கறிஞர் ராஜா என்பவர், சவுக்கு சங்கரின் ஆதரவாளராக இருப்பதாக கூறப்படுகிறது. இந்நிலையில் சவுக்கு சங்கர் மீடியாவை சேர்ந்த இருவருடன் சேர்ந்து, பேக்கரியில் ராஜா தேநீர் அருந்தியதாக கூறப்படுகிறது. அப்போது அடையாளம் தெரியாத 6 பேர் கொண்ட கும்பல், மூவரையும் சரமாரியாக தாக்கிவிட்டு தப்பிச்சென்றுள்ளனர். இதில் பலத்த காயமடைந்த ராஜா, கரூர் அரசு மருத்துவக் கல்லூரி மருத்துவமனையில் சேர்க்கப்பட்டுள்ளார். ராஜா அளித்த புகாரின் அடிப்படையில் 6 பேர் கொண்ட கும்பலை போலீசார் தேடி வருகின்றனர்