இரண்டே 2 மாணவிகள் படிக்கும் அரசுப்பள்ளிக்கு ரூ.25 லட்சமா? - வாயடைத்து போன மக்கள்..!

2 மாணவிகள் படிக்கும் அரசுப்பள்ளிக்கு 25 லட்ச ரூபாய் செலவில் கூடுதல் கட்டடம் கட்டும் பணி துவங்கியுள்ளதால் மக்களின் வரிப்பணம் வீணாவதாக சமூக ஆர்வலர்கள் கவலை தெரிவித்துள்ளனர்... நீலகிரி மாவட்டம் காவயல் பகுதியில், அமைந்துள்ள அரசு தொடக்கப்பள்ளியில் தற்போது 3 மற்றும் 4 ம் வகுப்புகளில், தலா ஒரு மாணவி வீதம், 2 மாணவிகள் படித்து வருகின்றனர். 2 வகுப்பறைகள் நல்ல நிலையிலிருந்த நிலையில், 1 வகுப்பறையை இடித்து விட்டு, அங்கு கூடலூர் ஊராட்சி ஒன்றியம் மூலம் 25 லட்ச ரூபாய் செலவில் கூடுதல் வகுப்பறை கட்டடம் கட்டும் பணி துவங்கப்பட்டுள்ளதாகத் தெரிவிக்கப்பட்டுள்ளது... நல்ல நிலையிலிருந்த கட்டடம் இடிக்கப்பட்டதால் மக்களின் வரிப்பணம் வீணாவதாக சமூக ஆர்வலர்கள் குற்றம் சாட்டியுள்ளனர்.