கோவையில் வடமாநில தொழிலாளிக்கு நேர்ந்த சோகம்! - மர்மநபர் வெறிச்செயல்

கோவையில், வடமாநில தொழிலாளி கத்தியால் குத்திக்கொலை செய்யப்பட்ட சம்பவத்தில், போலீசார் விசாரணை மேற்கொண்டு வருகின்றனர். கோவை கிராஸ்கட் சாலையில் கட்டப்பட்டு வரும் அடுக்குமாடி குடியிருப்பில், உத்தரபிரதேச மாநிலத்தை சேர்ந்த 6 தொழிலாளர்கள் பணியாற்றி வருகின்றனர். இந்த நிலையில், தொழிலாளர்கள் படுத்துறங்கியபோது, ரிங்கு குமார் என்ற தொழிலாளியின் சட்டைப் பையில் மர்மநபர் ஒருவர் செல்போனை திருட முயன்றுள்ளார். அப்போது சுதாரித்துக் கொண்ட ரிங்கு குமாரை, மர்மநபர் கத்தியால் குத்திக் கொலை செய்துவிட்டு தப்பிச் சென்றார்.