கொடைரோடு - ஆம்னி பேருந்தில் சோதனை - கூடுதல் கட்டணம் வசூலித்த பேருந்துக்கு அபராதம்

தீபாவளியை முன்னிட்டு, சிறப்பு பேருந்துகள் இயக்கப்பட்டு வருகிறது. இதனிடையே, தனியார் ஆம்னி பேருந்துகளில் கூடுதல் கட்டணம் வசூலிக்கப்படுவதாக புகார் எழுந்து வருகிறது. இதன் ஒருபகுதியாக, தமிழக அரசு இதுகுறித்து ஆய்வு மேற்கொண்டு நடவடிக்கை எடுக்குமாறு, மதுரை இணை போக்குவரத்து, ஆணையர் பொன் செந்தில்குமார் உத்தரவின் பேரில், தேனி ஆர்.டி.ஓ. மற்றும் வாகன போக்குவரத்து ஆய்வாளர் கொடை ரோடு பகுதியில் அதிரடி ஆய்வில் ஈடுபட்டனர். கூடுதல் கட்டணம் வசூலித்த 4 பேருந்துகளுக்கு தலா 2 ஆயிரத்து 500 ரூபாய் அபராதம் வசூலித்த அவர்கள், அளவுக்கு அதிகமான சுமை ஏற்றிவந்த வாகனங்களுக்கும் அபராதம் விதித்தனர். விடியவிடிய நடந்த சோதனையால், அந்தப் பகுதியில் பரபரப்பு ஏற்பட்டது.