நடிகர் விஜய்யை அரசியலுக்கு வரவேற்று போஸ்டர் - "2026-ல் நல்லாட்சி தரோம்" என வாசகங்கள்

தமிழகத்தில் நடக்கவிருக்கும் 9 மாவட்ட ஊரக உள்ளாட்சி தேர்தலில் நடிகர் விஜய்யின் ரசிகர் மன்ற அமைப்பான விஜய் மக்கள் இயக்கம் தனித்து போட்டியிட உள்ளதாக தகவல் வெளியானது. இதற்கு நடிகர் விஜய் ஒப்புதல் தெரிவித்து உள்ளதாக கூறப்பட்டதால் அவரது ரசிகர்கள் உற்சாகமடைந்துள்ளனர். இந்நிலையில் நடிகர் விஜய்யை அரசியலுக்கு வரவேற்று அவரது ரசிகர்கள் மதுரையில்போஸ்டர்களை ஒட்டியுள்ளனர். நடிகர் விஜய் படத்துடன் 2021 ல் உள்ளாட்சியிலே வரோம், 2026-ல் நல்லாட்சி தரோம் என்ற வாசகங்களுடன்   பல இடங்களில் விஜய் ரசிகர்கள் போஸ்டர்களை ஒட்டியுள்ளனர். மதுரையில் மாவட்ட கவுன்சிலர் மற்றும் ஒன்றிய மற்றும் கிராம பஞ்சாயத்து பதவிக்கான தேர்தல்களில் போட்டியிடுவது தொடர்பாக விஜய் மக்கள் இயக்க நிர்வாகிகள் நடிகர் விஜயிடம் ஆலோசனை நடத்தி வருவதாகவும் தகவல்கள் வெளியாகியுள்ளன.