19 மாணவ, மாணவிக்கு கொரோனா உறுதி - தனிமைப் படுத்தப்பட்டு சிகிச்சை அளிப்பு

திருவாரூர் மாவட்டத்தில்  19  மாணவ, மாணவிகளுக்கு கொரோனா தொற்று உறுதியாகியுள்ளது. தமிழகம் முழுவதும் 9,10,11 மற்றும் 12 ஆம் வகுப்பு மாணவர்களுக்கு பள்ளிகள் திறக்கப்பட்டன.  நாமக்கல் , தஞ்சை உள்ளிட்ட  மாவட்டங்களில் சில பள்ளி , கல்லூரி மாணவ, மாணவிகளுக்கு கொரோனா பாதிப்பு கண்டறியப்பட்டது . இந்நிலையில் திருவாரூர் மாவட்டத்தில் 19 மாணவ மாணவிகளுக்கு கொரோனா தொற்று உறுதி செய்யப்பட்டுள்ளது .  அடியக்கமங்கலம், முன்ன வாள்கோட்டை , அரித்துவாரமங்கலம் மற்றும் தலைக்காடு அரசு மேல்நிலைப்பள்ளிகளை சேர்ந்த 4  மாணவ மாணவிகள் உள்பட 19 பேருக்கு கொரோனா தொற்று உறுதி செய்யப்பட்டதையடுத்து அவர்கள் தனிமைப்படுத்தப்பட்டு சிகிச்சை அளிக்கப்பட்டு வருகிறது. அவர்களுடன் தொடர்பில் இருந்த மாணவ, மாணவிகள் , ஆசிரியர்களுக்கு கொரோனா பரிசோதனை மேற்கொள்ளப்பட்டது.