டெல்லி புறப்பட்ட மத்திய அமைச்சர் அமித்ஷா

சென்னை எம்.ஆர்.சி நகரில் உள்ள நட்சத்திர ஒட்டலில் தங்கியிருந்த மத்திய அமைச்சர் அமித்ஷாவை, தமிழக உயர்கல்வித்துறை அமைச்சர் கே.பி.அன்பழகன் இன்று சந்தித்து பேசினார். இந்த சந்திப்பில் பேசியது என்ன என்பது குறித்த விவரங்கள் வெளியாகவில்லை. 

இதைத் தொடர்ந்து, நட்சத்திர ஓட்டலில் இருந்து, சென்னை விமான நிலையத்திற்கு காரில் அமித்ஷா புறப்பட்டார்.  விமான நிலையத்தில், துணை முதலமைச்சர் பன்னீர் செல்வம் மற்றும் அமைச்சர்கள் செங்கோட்டையன், தங்கமணி,  மாஃபா பாண்டியராஜன், பெஞ்சமின் உள்ளிட்டோர் அவருக்கு மலர்கொத்து வழங்கி, வழியனுப்பி வைத்தனர். பாஜக துணை தலைவர் வி.பி.துரைசாமி உள்ளிட்ட பாஜக நிர்வாகிகளும் விமான நிலையத்தில் காத்திருந்து அமித்ஷாவை வழியனுப்பி வைத்தனர்.