ரேசன்கடைகளில் ஆய்வு செய்த பெண் எம்.எல்.ஏ

நெல்லை மாவட்டம் ஆலங்குளம் தொகுதிக்கு உட்பட்ட  பகுதிகளில் சட்டமன்ற உறுப்பினர் பூங்கோதை தலைமையில் ஊராட்சி சபை கூட்டம் நடைபெற்றது. அதில்  பங்கேற்ற  பெரும்பாலானோர்  ரேசன் கடைகளில் தரமற்ற அரிசி வழங்குவதாக புகார் தெரிவித்தனர். இதனையடுத்து  கடையம் , பொட்டல்புதூர் உள்ளிட்ட பகுதிகளில் ரேசன் கடைகளில் அவர் ஆய்வு நடத்தினார். அங்கு சேகரித்த தரமற்ற அரிசியோடு கடையம் ஊராட்சி ஒன்றிய ஆணையாளரைச் சந்தித்த, பூங்கோதை ,  மக்களுக்கு தரமான அரிசி வழங்க வேண்டும் என்று கேட்டுக் கொண்டார்.