கஜா புயல் : சேலத்தில் ஸ்கேட்டிங் மூலம் நிதி திரட்டிய மாணவி

கஜா புயலால் பாதிக்கப்பட்ட விவசாயிகளுக்கு உதவ மாணவி நேத்ரா சேலம் கடைவீதிகளில் ஸ்கேட்டிங்கில் சென்றபடி நிவாரண நிதி திரட்டினார். அவருடன் சக ஸ்கேட்டிங் வீரர்கள் தனஸ்ரீ, பிரணவ், ரவி, காயத்ரி , சூர்யா ஆகியோரும் சென்றனர். நகை, ஜவுளி மற்றும் இனிப்பு கடைகள் என கடை கடையாக சென்று நிதி திரட்டினர். தாங்கள் திரட்டிய நிதியை ஆட்சியரிடம் ஒப்படைத்து பாதிக்கப்பட்ட விவசாயிகளுக்கு அளிக்க உள்ளதாக பின்னர் செய்தியாளர்களிடம் பேசிய மாணவி நேத்ரா தெரிவித்தார்.