ஐசிசி-யின் ஜனவரி மாத சிறந்த வீரர் விருதை வென்றார் மே.இ. வீரர்

ஐசிசி-யின் ஜனவரி மாதத்திற்கான சிறந்த வீரர் வீருது, மேற்கு இந்திய தீவுகள் அணி வீரர் ஷமர் ஜோசப்பிற்கு அறிவிக்கப்பட்டுள்ளது. கடந்த மாதம் நடைபெற்ற ஆஸ்திரேலியா - மேற்கு இந்திய தீவுகளுக்கு இடையேயான டெஸ்ட் தொடரில் அறிமுகமான ஷமர் ஜோசப், முதல் டெஸ்ட்டின் முதல் இன்னிங்சில் 5 விக்கெட்டுகளை வீழ்த்தினார். தொடர்ந்து காபாவில் நடைபெற்ற 2வது டெஸ்ட்டில் 2வது இன்னிங்சில், 7 விக்கெட்டுகளை வீழ்த்தி மேற்கு இந்திய தீவுகளின் வரலாற்று சிறப்புமிக்க வெற்றிக்கு காரணமாக அமைந்தார். இதனையடுத்து அவருக்கு, ஜனவரி மாதத்திற்கான சிறந்த வீரர் விருது அறிவிக்கப்பட்டுள்ளது. மேலும் அயர்லாந்தின் ஆமி ஹண்டருக்கு, ஜனவரி மாதத்தின் சிறந்த வீராங்கனைக்கான விருது அறிவிக்கப்பட்டுள்ளது.