ஜூனியர் உலகக் கோப்பை ஹாக்கி தொடர் - காலிறுதிக்கு இந்தியா தகுதி

ஜூனியர் உலகக் கோப்பை ஆடவர் ஹாக்கி தொடரின் காலிறுதிப் போட்டிக்கு இந்தியா முன்னேறி உள்ளது. குரூப் பி பிரிவில் நடைபெற்ற கடைசி லீக் போட்டியில் இந்தியாவும் போலந்தும் மோதின. போட்டியின் முதல் பாதியில் மூன்று கோல்கள் அடித்த இந்தியா, 2-வது பாதியில் மேலும் ஐந்து கோல்கள் அடித்து ஆதிக்கம் செலுத்தியது. போலந்து தரப்பில் 2 கோல்கள் மட்டுமே அடிக்கப்பட்ட நிலையில், ஆட்ட நேர முடிவில் 8-க்கு 2 என்ற கோல் கணக்கில் இந்திய அணி அபார வெற்றி பெற்றது. இந்தியா தரப்பில் துணை கேப்டன் சஞ்சய் 2 கோல்களும், ஹுன்டல், சிர்மஹோ தலா 2 கோல்களும் அடித்து அசத்தினர். இந்த வெற்றியால், காலிறுதிப் போட்டிக்கு தகுதி பெற்ற இந்தியா, டிசம்பர் 1-ம் தேதி நடைபெறும் காலிறுதிப் போட்டியில் பெல்ஜியத்துடன் பலப்பரீட்சை நடத்த உள்ளது.