டெல்லியை 59 ரன்கள் வித்தியாசத்தில் வீழ்த்தியது கொல்கத்தா

அபுதாபி மைதானத்தில் நடைபெற்ற இந்த ஆட்டத்தில், டாஸ் வென்ற டெல்லி அணி முதலில் பந்துவீச தீர்மானித்த‌து. இதன் படி களமிறங்கிய கொல்கத்தா அணியில் அதிகபட்சமாக நிதிஷ் ராணா 81 ரன்களும், சுனில் நரைன் 64 ரன்களும் எடுத்தனர். இதனால் 20 ஓவர்கள் முடிவில் அந்த அணி 194 ரன்கள் எடுத்த‌து. தொடர்ந்து விளையாடிய டெல்லி அணியில், கேப்டன் ஷ்ரேயாஸ் ஐயர் மட்டும் 47 ரன்கள் எடுத்தார். அடுத்த‌டுத்து வந்த வீர‌ர்களை தன் சுழற்பந்துவீச்சால் சுருட்டினார் தமிழக வீர‌ர் வருண் சக்ரவர்த்தி. 5 விக்கெட் வீழ்த்திய வருண் சக்ரவர்த்தி ஆட்ட நாயகனாகவும் தேர்வு செய்யப்பட்டார். 20 ஓவர்கள் முடிவில் டெல்லி அணி, 9 விக்கெட்டுகளை இழந்து 135 ரன்கள் மட்டுமே எடுத்திருந்த‌து.