சச்சின் சாதனையையும் சமன் செய்தார், ரோகித்

நடப்பு உலக கோப்பை தொடரில் ஐந்து சதம் அடித்துள்ள ரோகித் சர்மா, ஒரு உலக கோப்பை தொடரில் அதிக சதம் அடித்த வீரர் என்ற சாதனையை படைத்துள்ளார். குறிப்பாக, கடைசியாக விளையாடடிய 3 போட்டிகளிலும் சதம் விளாசி, ஹாட்ரிக் சாதனையையும் ரோஹித் சர்மா படைத்துள்ளார். இதன்மூலம், ஒரு உலக கோப்பை தொடரில் அதிக சதங்கள் அடித்த, இலங்கை வீரர் சங்ககாராவின் சாதனையை ரோகித் சர்மா முறியடித்துள்ளார். 2015ஆம் ஆண்டு உலக கோப்பை தொடரில் சங்ககாரா 4 சதங்கள் அடித்திருந்தார்,

ஒட்டுமொத்தமாக உலக கோப்பை போட்டிகளில் அதிக சதம் அடித்த சச்சினின் சாதனையை சமன் செய்தார் ரோகித் சர்மா. இருவரும் தலா ஆறு சதங்கள் அடித்துள்ளனர். அடுத்து வரும் ஆட்டங்களில் சச்சினின் சாதனையையும், ரோகித் முறியடிப்பார் என எதிர்பார்க்கப்படுகிறது. அதே போல உலக கோப்பை போட்டிகளில், குறைந்த இன்னிங்சில் அதிக சதம் அடித்த வீரர் என்ற பெருமைக்கும் சொந்தக்காரர் ஆனார் ரோகித் சர்மா. ஒரே உலக கோப்பை தொடரில் 600 ரன்களுக்கு மேல் குவித்த 4வது வீரர் என்ற பெருமையும் ரோகித் சர்மாவையேச் சேரும்...