ஐபிஎல் கிரிக்கெட்: டோனி-கோலி அணிகள் இன்று பலப்பரீட்சை

ஐ.பி.எல். கிரிக்கெட் திருவிழாவில் பெங்களூரு சின்னசாமி ஸ்டேடியத்தில் இன்று இரவு (புதன்கிழமை) நடைபெறும் 24-வது லீக் ஆட்டத்தில் சென்னை சூப்பர் கிங்சும், பெங்களூரு ராயல் சேலஞ்சர்சும் மோதுகின்றன.

சென்னை சூப்பர் கிங்ஸ் அணி இதுவரை 5 ஆட்டங்களில் விளையாடி 4-ல் வெற்றியும் (மும்பை, கொல்கத்தா, ராஜஸ்தான், ஐதராபாத்துக்கு எதிராக) ஒன்றில் தோல்வியும் (பஞ்சாப்புக்கு எதிராக) கண்டுள்ளது. சென்னை அணியில் கேப்டன் டோனி, சுரேஷ் ரெய்னா, வாட்சன், அம்பத்திராயுடு ரன் திரட்டுவதில் சிறப்பான பங்களிப்பை அளித்து வருகிறார்கள். பந்து வீச்சில் இளம் வீரர் தீபக் சாஹர், வெய்ன் பிராவோ, ஷர்துல் தாகூர் கைகொடுக்கிறார்கள். இந்த கூட்டணியின் ஆதிக்கம் நீடித்தால் இன்றைய ஆட்டத்தில் சென்னை அணி வெற்றி பெற்று புள்ளி பட்டியலில் முதலிடத்திற்கு முன்னேறி விடும் என்பதில் சந்தேகம் இல்லை.