தீயாய் பரவிய அமித்ஷா வீடியோ - 22 அரசியல் கட்சியினருக்கு பறந்த நோட்டீஸ்

மத்திய உள்துறை அமைச்சர் அமித்ஷா பேசிய வீடியோவை மார்பிங் செய்து வெளியிட்டதாக, காங்கிரஸ் தேசிய சமூக ஊடக ஒருங்கிணைப்பாளர் கைது செய்யப்பட்டுள்ளார். ஐதராபாத் பிரச்சாரத்தில் எஸ்சி, எஸ்டி, ஓபிசி இட ஒதுக்கீட்டை நீக்குவோம் என அமித்ஷா கூறியதாக போலி வீடியோக்கள் வெளியானது. இதுகுறித்து வழக்குப்பதிவு செய்துள்ள டெல்லி போலீசார், பல்வேறு மாநிலங்களை சேர்ந்த 22 அரசியல் கட்சியினருக்கு நோட்டீஸ் அனுப்பியுள்ளனர். இந்நிலையில், ஸ்பிரிட் ஆஃப் காங்கிரஸ் கணக்கை நடத்தி வரும் காங்கிரஸ் தேசிய ஊடக ஒருங்கிணைப்பாளர் அருண் ரெட்டியை கைது செய்தனர். அவரை விடுவிக்க வேண்டும் என காங்கிரசார் சமூக வலைத்தளங்களில் பதிவிட்டு வருகின்றனர்.