மீண்டும் சிறுத்தை,கரடி நடமாட்டம்.. பக்தர்களை எச்சரித்த திருப்பதி தேவஸ்தானம் | Tirupati

திருப்பதியில் இருந்து திருமலைக்கு பக்தர்கள் பாதயாத்திரையாக செல்லும் அளிப்பிரி நடைபாதை அருகே, கடந்த இரண்டு மாதங்களுக்கு முன்பு, சிறுத்தைகள் ஒரு சிறுவனை தாக்கி காயப்படுத்தி விட்டு சென்றன. மற்றொரு சிறுமி உயிரிழந்தார். இதையடுத்து வனத்துறையினர் மேற்கொண்ட நடவடிக்கையில் 6 சிறுத்தைகள் பிடிப்பட்டன. இந்நிலையில், கடந்த 24 மற்றும் 27-ஆம் தேதிகளில், நடைபாதையில் உள்ள லட்சுமி நரசிம்மசுவாமி கோவில் அருகே சிறுத்தை, கரடி நடமாட்டம் இருப்பது கேமராக்களில் பதிவாகியுள்ளது. எனவே, திருப்பதியில் இருந்து திருமலைக்கு பாதயாத்திரையாக செல்லும் பக்தர்கள் குழுக்களாகவும், பாதுகாப்புடனும் எச்சரிக்கையுடனும் செல்ல வேண்டும் என்ற தேவஸ்தானம் வேண்டுகோள் விடுத்துள்ளது.