புதுச்சேரியில் அரசு ஊழியர்களுக்கு 50% உயர்வு.. நிதித்துறை செயலர் அதிரடி

புதுச்சேரி அரசு ஊழியர்களுக்கு அகவிலைப்படி 50 சதவீதமாக உயர்த்தப்பட்டுள்ளது. மத்திய அரசு ஊழியர்களுக்கான அகவிலைப்படியானது சமீபத்தில் 50 சதவீதமாக உயர்த்தப்பட்டது. இதனையடுத்து, புதுச்சேரி அரசு ஊழியர்களுக்கும் அகவிலைப்படியை 50 சதவீதமாக உயர்த்தி, அம்மாநில நிதித்துறை செயலர் உத்தரவிட்டுள்ளார். இந்தாண்டு ஜனவரி 1 ஆம் தேதி முதல் முன் தேதியிட்டு, இந்த அகவிலைப்படி உயர்வு வழங்கப்படும் என தெரிவிக்கப்பட்டுள்ளது குறிப்பிடத்தக்கது.