கொரோனாவில் இருந்து குணம​டைவோர் எண்ணிக்கை 34.06 % ஆக உயர்வு - மத்திய சுகாதாரத்துறை தகவல்

கொரோனா தொற்று பாதிப்பு 80 ஆயிரத்தை கடந்த நிலையில், குணமடைபவர்கள் விகிதம் 34 சதவீதமாக அதிகரி​த்துள்ளதாக மத்திய சுகாதார அமைச்சகம் தெரிவித்துள்ளது. ​நேற்றைய நிலவரப்படி நாடு முழுவதும் 57 ஆயிரத்து 41 பேர் தீவிர கண்காணிப்பில் உள்ளதாகவும், அவர்களில் 2 சதவீதத்திற்கும் குறைவானவர்களுக்கே செயற்கை சுவாசம் தேவைப்படும் நிலையில் உள்ளதாகவும் சுகாதாரஅமைச்சகம் தெரிவித்துள்ளது. இதுவரை கொரோனாவால் பாதிக்கப்பட்டு  இரண்டாயிரத்து 649 பேர் உயிரிழந்த நிலையில், 27 ஆயிரத்து 920 பேர் குணமடைந்து வீடு திரும்பியுள்ளது நம்பிக்கை தருவதாக மத்திய சுகாதார அமைச்சகம் தெரிவித்துள்ளது.