3ஆம் கட்ட மக்களவை தேர்தல் - முக்கிய பிரமுகர்கள் காலையிலேயே வாக்களிப்பு

கேரள தலைநகர் திருவனந்தபுரம் ஜவகர் நகர் அரசு பள்ளியில் உள்ள வாக்கு சாவடியில் அம்மாநில ஆளுநர் சதாசிவம் தனது மனைவியுடன் சென்று வாக்களித்தார்.

பினராயில் உள்ள ஆர்.சி.அமலா பள்ளி வாக்குச்சாவடியில், அம்மாநில முதலமைச்சர் பினராயி விஜயன் தனது வாக்கை செலுத்தினார்.

குஜராத் மாநிலம், ராஜ்கோட்டில் உள்ள அனில் கியான் மந்திர் பள்ளியில் அமைக்கப்பட்டு உள்ள வாக்குச் சாவடியில், குஜராத் முதலமைச்சர் விஜய்​ ரூபானி தனது மனைவி அஞ்சலியுடன் வந்து வாக்களித்தார்.

முலாயம் சிங் யாதவின் சகோதரரான அபய் சிங் யாதவ், உத்தர பிரதேச மாநிலம் மைன்புரியில் உள்ள சைஃபய் வாக்குச்சாவடியில், தனது வாக்கை செலுத்தினார்.

ஒடிசா முதலமைச்சர் நவீன் பட்நாயக், அம்மாநில தலைநகர் புவனேஸ்வரில் அமைக்கப்பட்டு உள்ள வாக்குச் சாவடியில் வாக்களித்தார்.

மத்திய அமைச்சர் தர்மேந்திர பிரதான் ஒடிசா மாநிலம், தலச்சேரில் உள்ள வாக்குச் சாவடியில் வாக்களித்தார்.