வேதாளம் பட தோற்றத்தில் அஜித் - சமூக வலைதளங்களில் பரவும் புகைப்படம்

நடிகர் தனுஷ் நடிக்கும் கர்ண‌ன் திரைப்படத்தின் கண்டா வரச்சொல்லுங்க பாடல், 1 கோடி பார்வையாளர்களை தாண்டியுள்ளது. இந்த நிலையில், இரண்டாவது சிங்கிள் டிராக்காக பண்டாரத்தி புராணம் என்ற பாடல் வெளியாகியுள்ளது. இந்தப் பாடலை இசையமைப்பாளர் தேவா பாடி உள்ளார்

இயக்குனர் சீனு ராமசாமி இயக்கத்தில் விஜய் சேதுபதி நடித்துள்ள திரைப்படம் மாமனிதன். யுவன்சங்கர் ராஜா இந்த படத்தை தயாரித்துள்ளார். இந்நிலையில், படத்தின் தலைப்புக்கான உரிமை குறித்து சர்ச்சை எழுந்தது. இதையடுத்து படத்தின் தலைப்பை, முறைப்படி யுவன்சங்கர்ராஜா பெற்றுவிட்டதாக இயக்குனர் சீனு ராமசாமி கூறியுள்ளார். மேலும், படத்தின் முதல் பார்வை மற்றும் பாடல் விரைவில் வெளியாகும் என்று தெரிவித்துள்ளார்..

சமீபத்தில் வெளியான த்ரிஷ்யம்-2 திரைப்படம், அதன் முதல் பாகத்தை போலவே பெரும் வெற்றி பெற்றது. இதனிடையே த்ரிஷ்யம்-3 குறித்து இயக்குனர் ஜீத்து ஜோசப் வீடியோ மூலம் வேண்டுகோள் ஒன்றை விடுத்துள்ளார். அதில், பலரும், த்ரிஷ்யம் மூன்றாம் பாகத்திற்கான கதை என கூறிகொண்டு தொடர்ந்து பல மெயில்கள் அனுப்பி வருவதாக குறிப்பிட்டுள்ளார். இதனால் தனது மெயில் நிரம்பி வழிவதாகவும், தயவு செய்து யாரும் இனி கதைகளை அனுப்பாதீர்கள் என்றும் வேண்டுகோள் விடுத்துள்ளார்.

விஜய்யின் மாஸ்டர் படம் வெற்றி பெற்ற நிலையில், அதன் பாடல்களும் ஹிட்டானது. இந்த நிலையில், பாடல் வீடியோக்களை தொடர்ந்து படக்குழு வெளியிட்டு வருகிறது. தற்போது போனா போகட்டும் என்ற பாடல் வீடியோவை படக்குழு வெளியிட்டுள்ளது. இதனை விஜய் ரசிகர்கள் பலரும் பகிர்ந்து வருகின்றனர்...

நடிகர் சிவகார்த்திகேயனின், டாக்டர் படத்தில் இடம்பெற்றுள்ள செல்லம்மா என்ற பாடல் 10 கோடி பார்வைகளை கடந்து சாதனை படைத்துள்ளது. சிவகார்த்திகேயன் எழுதியிருந்த இந்த பாடலுக்கு அனிருத் இசையமைத்து பாடியிருந்தார். இதுகுறித்து தனது டுவிட்டர் பக்கத்தில் மகிழ்ச்சி தெரிவித்துள்ள சிவகார்த்திகேயன், அனிருத்தின் மற்றொரு செஞ்சூரி என்று குறிப்பிட்டுள்ளார். மேலும், இந்த பாடலுக்கு ஆடி ரசிகர்கள் வெளியிட்டிருந்த வீடியோக்களை தொகுத்து, புதிய வீடியோ ஒன்றையும் சிவகார்த்திகேயன் பதிவிட்டுள்ளார்.