சர்வதேச திரைப்பட விழாவில் "கைதி" - இயக்குநர் லோகேஷ் கனகராஜ் மகிழ்ச்சி

கனடாவின் டொரண்டோவில் வருகிற 9ஆம் தேதி முதல் 15ஆம் தேதி வரை சர்வதேச இந்திய திரைப்பட விழா நடைபெறுகிறது. இந்த விழாவில் திரையிட கார்த்தியின் கைதி திரைப்படம் தேர்வாகி உள்ளது. இதனை படத்தின் இயக்குனர் லோகேஷ் கனகராஜ் மகிழ்ச்சியுடன் பதிவிட்டுள்ளார். கடந்த தீபாவளிக்கு வெளி வந்த கைதி திரைப்படம், மக்களிடையே நல்ல வரவேற்பை பெற்றது.

தெலுங்கு நடிகர் அல்லு அர்ஜீன் நடிப்பில் வெளியான ஆல வைகுந்த புரம்லு படத்தில், புட்ட பொம்மா என்ற பாடல் ரசிகர்களிடையே அதிக வரவேற்பை பெற்றது. இந்த பாடல் யூடியூப் தளத்தில் 3 கோடி பார்வையாளர்களை பெற்றுள்ளது. இதனை அந்த படத்தின் இசையமைப்பாளர் தமன், மகிழ்ச்சியுடன் தெரிவித்துள்ளார்.

ஜெகமே தந்திரம் படத்தில் வரும் "ரகிட ரகிட" பாடல் யூடியூப் தளத்தில் 60 லட்சம் பார்வையாளர்களை பெற்றுள்ளது. கடந்த ஜூலை 28ம் தேதி, தனுஷ் பிறந்தநாளையொட்டி இந்த பாடல் வெளியான நிலையில், ரசிகர்களிடையே பெரும் வரவேற்பை பெற்றுள்ளது. 

சந்திரமுகி 2ம் பாகத்தை எடுத்து வரும் ராகவா லாரன்ஸ், அதுகுறித்த முக்கிய தகவல் ஒன்றை வெளியிட்டுள்ளார். சந்திரமுகி கதாப்பாத்திரத்தில் நடிப்பதாக நடிகைகள் ஜோதிகா, சிம்ரன், கிரா அத்வானியின் பெயர்கள் உலா வந்தன. ஆனால் இதனை மறுத்துள்ள ராகவா லாரன்ஸ், கதைக்கான பணிகள் நடைபெற்று வருவதாகவும், கொரோனா சூழல் முடிந்து, சந்திரமுகி கதாப்பாரத்தில் நடிக்கப்போகும் நடிகை யார் என்பது, அதிகாரப்பூர்வமாக அறிவிக்கப்படும் என்றும் குறிப்பிட்டுள்ளார்.