நடிகர் அஜித்குமாரின் 60-வது படம்

நடிகர் அஜித்குமார், இதுவரை 58 படங்களில் நடித்து இருக்கிறார். அவருடைய 59-வது படம், `நேர்கொண்ட பார்வை.' இந்த படத்தை வினோத் இயக்கியிருக்கிறார். ஸ்ரீதேவியின் கணவர் போனிகபூர் தயாரித்துள்ளார். படப்பிடிப்பு முழுவதும் முடிவடைந்தது. நடிகர் அமிதாப்பச்சன் நடித்து வட இந்தியாவில் வெற்றி பெற்ற `பிங்க்' என்ற இந்தி படத்தின் தழுவல், இது. இந்தி படத்தில் அமிதாப்பச்சனுக்கு ஜோடி இல்லை. தமிழ் படத்தில், அஜித்குமாருக்கு ஜோடி சேர்க்கப்பட்டுள்ளது. 40 நாட்களில் இந்த படத்தை எடுத்து முடித்துள்ள நிலையில், அஜித் குமாரின் 60வது படத்தையும், வினோத் இயக்குவார், என்று எதிர்பார்க்கப்படுகிறது.