சென்னைக்கு கடத்தி வரப்பட்ட ரூ.1.12 கோடி மதிப்பிலான தங்கம் பறிமுதல்

சென்னை மீனம்பாக்கம் விமான நிலையத்திற்கு பெரும் அளவில் கடத்தல் பொருட்கள் கொண்டு வரப்படுவதாக சுங்க இலாகா அதிகாரிகளுக்கு ரகசிய தகவல் கிடைத்தது. இதையடுத்து சுங்க இலாகா அதிகாரிகள் தீவிர கண்காணிப்பில் இருந்தனர். அப்போது கொழும்பு மற்றும் துபாயில் இருந்து, சென்னைக்கு வந்த 5 பேரிடம் இருந்து, ஒரு கோடியே, 12  லட்ச ரூபாய் மதிப்பிலான, 2 கிலோ 870 கிராம் தங்கத்தை சுங்க இலாகா அதிகாரிகள் பறிமுதல் செய்தனர். இதன் பின்னணியில் யார் உள்ளனர் என அதிகாரிகள் விசாரித்து வருகின்றனர்.