காட்சிப் பொருட்களாக உள்ள தமிழக சிலைகளை திரும்ப ஒப்படைக்க ஆஸ்திரேலியா சம்மதம் என தகவல்

இந்த கேள்விகளுக்கு விடை காணும் விதமாக நேற்று தமிழக தலைமைச் செயலகத்தில் மிக முக்கிய ஆலோசனைக் கூட்டம் நடைபெற்றுள்ளது. ஆஸ்திரேலியா நாட்டின் தேசிய கலைக்கூடத்தில் உள்ள எட்டு சிலைகளை தமிழகத்துக்கு கொண்டு வரும் முயற்சிகள் இந்த கூட்டத்தில் முன்னெடுக்கப்பட்டன. அமைச்சர் மாஃபா பாண்டியராஜன், ஐ.ஜி.பொன்.மாணிக்கவேல், தொல்பொருள் துறையின் ஆணையர், ஆஸ்திரேலிய தேசிய கலைக்கூட்டத்தின் துணை இயக்குநர் கிருஸ்டன் பைஸ்லி, ஆஸ்திரேலிய துணை தூதர் சூசன் கிரேஸ் என மிக முக்கியமானவர்கள் கலந்து கொண்ட இந்த கூட்டத்தில் சிலைகளை பறிகொடுத்த  அறநிலையத்துறையின் ஆணையர் கலந்து கொள்ளவில்லை. 

சிலைகளை திரும்பப் பெறும் நடவடிக்கைகளில் தமிழக அரசின் நிலைப்பாட்டை அமைச்சர் பாண்டியராஜன் சொல்ல, திருடப்பட்ட சிலைகள் காட்சிப் பொருட்கள் அல்ல, அவை மக்களின் மத உணர்வுகள் என பொன்.மாணிக்கவேல் கருத்துக்களை முன் வைக்க, ஆஸ்திரேலியாவில் உள்ள 8 சிலைகளையும் திரும்பத் தருவதாக ஒப்புக் கொண்டது ஆஸ்திரேலியா.

இரண்டு வருடங்களுக்கு முன்பு ஆஸ்திரேலிய பிரதமர் அபோட் இந்திய பிரதமர் மோடியிடம் டெல்லியில் நடைபெற்ற ஒரு நிகழ்ச்சியில் மூன்று சிலைகளை ஒப்படைத்தார். இதுவும், சிலை கடத்தல் தடுப்புப் பிரிவின் ஐ.ஜி. பொன்மாணிக்கவேல் எடுத்த நடவடிக்கையில் நடந்து முடிந்தது. இந்நிலையில் மீதமுள்ள 8 சிலைகள் விரைவில் தமிழகம் வரப்போகிறது.