"ரஜினிக்கு இன்னும் ரூ.500 சம்பள பாக்கி உள்ளது" - பாரதிராஜா

ரஜினியின் அரசியல் பயணம் குறித்து பேச விரும்பவில்லை என்று இயக்குநர் பாரதிராஜா தெரிவித்துள்ளார். வேலூரில், அம்மாவட்ட ரஜினி ரசிகர் மன்றம் சார்பில் நடிகர் ரஜினிகாந்தின் 70- வது பிறந்த நாள் விழா நடைபெற்றது. இதில் இயக்குநர் பாரதிராஜா, தயாரிப்பாளர் கலைப்புலி எஸ்.தாணு, பட்டிமன்ற பேச்சாளர் ராஜா உள்பட பலர் பங்கேற்று 70 பயனாளிகளுக்கு 7 லட்சம் ரூபாய் மதிப்பில்லான நலத்திட்ட உதவிகளை வழங்கினர். இந்த விழாவில் பேசிய இயக்குநர் பாரதிராஜா, ரஜினி மிகவும் எளிமையானவர் என்றும், 16 வயதினிலே படத்திற்காக பேசப்பட்ட சம்பளத்தில், இன்னும் 500 ரூபாய் அவருக்கு கொடுக்க பாக்கி உள்ளதாகவும் தெரிவித்தார்.