மும்மொழி கொள்கை எதிர்ப்பு போராட்டங்கள் : திமுக தலைவர் மு.க.ஸ்டாலின் கருத்து

மும்மொழி கொள்கை திட்டத்தை கொண்டுவரும் முன்னர் தமிழக வரலாற்றை மத்திய அரசு அறிய வேண்டும் என திமுக தலைவர் மு.க.ஸ்டாலின் கூறினார். கோவையில் கட்சி நிகழ்ச்சியில் கலந்து கொண்டு  பேசுகையில், இரண்டாவது முறையாக மோடி பிரதமராக பதவி ஏற்றதும் மும்மொழி கொள்கை திட்டத்தை கொண்டு வர முயற்சி செய்கிறார் என குற்றஞ்சாட்டினார். அதற்கான வரைவு அறிக்கை அறிவிக்கப்பட்ட சிலமணி நேரத்திலேயே தமிழக இளைஞர்கள் பொங்கி எழுந்தார்கள் என்று குறிப்பிட்டார்  . மும்மொழி கொள்கை கொண்டு வரும் முன்னர் திமுக கழக வரலாற்றை மத்திய அரசு பார்க்க வேண்டும் என்றும்,  இந்தி எதிர்ப்புப் போராட்டங்களை அறிய வேண்டும் என்றும் குறிப்பிட்டார்.