ஆதாரங்களின் அடிப்படையிலேயே 3 எம்.எல்.ஏக்கள் மீது புகார் - அமைச்சர் ஜெயக்குமார்

சென்னை பழைய வண்ணாரப்பேட்டையில், ஆட்டோ ஓட்டுனர்களுடன், அமைச்சர் ஜெயக்குமார், மே தினம் கொண்டாடினார். அண்ணா தொழிற்சங்கத்துடன் இணைக்கப்பட்ட புதிய ஸ்டாண்டை திறந்து வைத்த அமைச்சர் ஜெயக்குமார், தொழிலாளர்களுடன் இணைந்து ஆட்டோ ஓட்டினார். பின்னர் செய்தியாளர்களிடம் பேசிய அவர், 3 எம்எல்ஏக்களுக்கு நோட்டீஸ் அனுப்பப்பட்ட விவகாரத்தில் ஆடியோ, வீடியோ ஆதாரங்களின் அடிப்படையிலேயே புகார் அளித்துள்ளோம், எம்எல்ஏக்கள் 3 பேரும் அளிக்கும் விளக்கத்தின் அடிப்படையில் சபாநாயகர் நடவடிக்கை எடுப்பார், இது அவரது அதிகாரத்திற்கு உட்பட்டது என அமைச்சர் ஜெயக்குமார் தெரிவித்துள்ளார். நம்பிக்கை இல்லா தீர்மானம் குறித்து கருத்து தெரிவித்த அவர், ஸ்டாலின் மீண்டும், சட்டையை கிழித்துக்கொள்ள தயாராகி விட்டதாக கூறினார்.