சென்னை ஆழ்வார்பேட்டையில் உள்ள தனியார் ஓட்டலில் அதிமுக கூட்டணி கட்சி தலைவர்களின் கூட்டம் இன்று காலை நடைபெற்றது. முதலமைச்சர் பழனிசாமி, துணை முதலமைச்சர் பன்னீர் செல்வம், தமிழக அமைச்சர்கள் மற்றும் பாஜக மாநில தலைவர் தமிழிசை உள்ளிட்டோர் இந்த கூட்டத்தில் பங்கேற்றனர். இந்த கூட்டத்தில் பாமக மற்றும் தேமுதிக கட்சிகளின் பிரதிநிதிகள் பங்கேற்கவில்லை. தொகுதிகள் ஒதுக்கீடு ஒப்பந்தத்தில் அந்த கட்சிகள் சார்பாக கையெழுத்திடப்பட்டதாக தெரிவிக்கப்பட்டது. இந்த கூட்டத்துக்கு பின், அதிமுக மற்றும் அதன் கூட்டணி கட்சிகள் போட்டியிடும் தொகுதிகளின் பட்டியலை துணை முதலமைச்சர் பன்னீர் செல்வம் அறிவித்தார்.
