பாலகிருஷ்ண ரெட்டிக்கு ஜாமீன் - தண்டனை நிறுத்தி வைப்பு...

கிருஷ்ணகிரி மாவட்டம் ஓசூர் அருகே பாகலூர் பகுதியில் கள்ளச்சாராயம் குடித்து 33 பேர் உயிரிழந்ததை கண்டித்து கடந்த 1998 ஆம் ஆண்டு போராட்டம் நடைபெற்றது. அப்போது அரசு பேருந்து மற்றும் வாகனங்கள் மீது கல்வீசி தாக்குதல் நடத்தப்பட்டது. இது தொடர்பாக அப்போது பாஜகவில் இருந்த பாலகிருஷ்ணரெட்டி உள்ளிட்ட 108  பேர் மீது வழக்கு பதிவு செய்யப்பட்டு கிருஷ்ணகிரி மாவட்ட நீதிமன்றத்தில் வழக்கு விசாரணை நடைபெற்று வந்தது.

இதற்கிடையே, பாலகிருஷ்ணரெட்டி அதிமுகவில் இணைந்து அமைச்சரானார். இதையடுத்து, இந்த வழக்கு, சென்னையில் புதிதாக அமைக்கப்பட்ட எம்.பி. மற்றும் எம்.எல்.ஏக்கள் சிறப்பு நீதிமன்றத்திற்கு மாற்றப்பட்டது. வழக்கு விசாரணை முடிந்து, நீதிபதி சாந்தி இன்று தீர்ப்பளித்தார். அப்போது, பாலகிருஷ்ணரெட்டி உள்ளிட்ட 16 பேருக்கு தலா 3 ஆண்டு சிறை தண்டனையும், 10 ஆயிரம் ரூபாய் அபராதமும் விதித்து தீர்ப்பளித்தார். மேலும், மேல்முறையீடு செய்ய வசதியாக  தண்டனையை நிறுத்தி வைத்து உடனடியாக ஜாமின் வழங்கினார்.