ஹைட்ராக்ஸி குளோரோ குயின் உற்பத்தி அதிகரிப்பு

கொரோனா தடுப்பு மருந்தாக பயன்படுத்தப்படும் ஹைட்ராக்ஸி குளோரோ குயின் உற்பத்தி தற்போது 30 கோடி மாத்திரைகளாக அதிகரிப்பட்டுள்ளதாக மத்திய அரசு தெரிவித்துள்ளது. உற்பத்தி அதிகரிக்கப்பட்டுள்ளதால், 16 கோடி மாத்திரைகள் சந்தையில் கிடைக்கும் என்றும் கூறியுள்ளது. 35 லட்சம் ஆர்டி- பி.சி.ஆர் கருவிகளுக்கான தேவை உள்ளதாகவும்,  21 லட்சத்து 35 ஆயிரம் கருவிகளுக்கு ஆர்டர் கொடுக்கப்பட்டு, தற்போதுவரை 13 லட்சத்து 75 ஆயிரம் கருவிகள் வாங்கப்பட்டுள்ளதாக தெரிவித்துள்ளது.  பாதுகாப்பு கவச உடைகளுக்கான தேவை 2 கோடியே ஒரு லட்சமாக உள்ள நிலையில்,  2 கோடியே 22 லட்சம் உடைகள் ஆர்டர் செய்துள்ளதாகவும், அவற்றில் ஒரு கோடியே 42 லட்சம் உடைகள் உள்நாட்டு சந்தையில் கிடைப்பதாகவும் மத்திய அரசு தெரிவித்துள்ளது.