மத்திய வரவு செலவு அறிக்கையில், தமிழகத்தை வஞ்சிக்கக் கூடாது என்றும் தமிழக அரசின் மானிய கோரிக்கைகளை ஏற்க வேண்டும் என்றும் விடுதலைச் சிறுத்தைகள் கட்சித் தலைவர் திருமாவளவன் எம்.பி, தெரிவித்துள்ளார்.

கல்வி, சுகாதாரம் , வேலைவாய்ப்பு, தொழில்முதலீடு உள்ளிட்டவற்றிற்கு மத்திய பட்ஜெட்டில் முன்னுரிமை அளிக்க வேண்டும் என்று காங்கிரஸ் எம்.பி. திருநாவுக்கரசர் தெரிவித்துள்ளார்.

மத்திய பட்ஜெட்டில் மீனவர்களுக்கு வரிவிலக்குடன் கூடிய மானிய டீசல், ஏற்றுமதி ரக மீன்களுக்கு சர்வதேச சந்தையில் விலை நிர்ணயம், மீனவர்களுக்கு என தனியாக கூட்டுறவு வங்கி உட்பட பல கோரிக்கைகளை மீனவர்கள் முன்வைத்துள்ளனர்.

வருகிற பட்ஜெட்டில், பெட்ரோல், டீசல் விலையை ஜிஎஸ்டிக்குள் கொண்டு செல்வதற்கான அறிவிப்பினை வெளியிட வேண்டும் என்பது லாரி உரிமையாளர்களின் எதிர்பார்ப்பாக உள்ளது.

தங்கம் இறக்குமதிக்கு விதிக்கப்படும் 10 சதவீத வரியை 4 சதவீதமாக குறைக்க நிதியமைச்சர் நிர்மலா சீதாராமனிடம் கோரிக்கை வைத்துள்ளதாக சென்னை தங்க, வைர நகை வியாபாரிகள் சங்கத் தலைவர் ஜெயந்திலால் சலானி கூறினார்