இலங்கை அதிபர் தேர்தலில் புதிய திருப்பம் : கோத்தபயா ராஜபக்சேவுக்கு 15 அரசியல் கட்சிகள் ஆதரவு

இலங்கை அதிபர் தேர்தலில் கோத்தபயா ராஜபக்சேவுக்கு மேலும் 15 கட்சிகள் ஆதரவு அளித்துள்ளன. இம்மாதம் நடைபெற உள்ள பொது தேர்தலில் முன்னாள் அதிபர் மகிந்த ராஜபக்சேவின் தம்பி கோத்தபயா ராஜபக்சே இலங்கை பொது ஜன பெரமுனா கட்சி சார்பில் போட்டியிடுகிறார். பிரதமர் ரணில் விக்கிரமசிங்கே தலைமையிலான ஐக்கிய தேசிய கட்சியின் வேட்பாளர் சஜித் பிரேமதாசா போட்டியிடுகிறார்.  இவருக்கு இலங்கை ஸ்ரீலங்கா சுதந்தர கட்சியின் ஆலோசகரும் , முன்னாள் அதிபருமான சந்திரகா குமாரதுங்கா ஆதரவு தெரிவித்து இருந்தார்.  இந்த நிலையில் முக்கிய திருப்பமாக கோத்தபயா ராஜபக்சேவுக்கு 15 அரசியல் கட்சிகள் ஆதரவு தெரிவித்துள்ளன.