பக்தர்களுக்கு உரிய வசதி செய்யப்படும் - எடப்பாடி பழனிச்சாமி

காஞ்சிபுரத்தில், 23 - வது நாளாக இன்று, இளம் பச்சை நிற பட்டாடையில் காட்சி தந்த அத்திவரதரை, முதலமைச்சர் எடப்பாடி பழனிச்சாமி தரிசனம் செய்தார். அதிகாலை முதலே, பக்தர்கள் நீண்ட வரிசையில் வந்து, அத்தி வரதரை தரிசனம் செய்தனர். இரவு 7 மணி அளவில் காஞ்சிபுரம் வந்த முதலமைச்சர் எடப்பாடி பழனிச்சாமி  அத்திவரதரை தரிசனம் செய்தார்.

கோவில் பிரசாதத்தை பக்தர்களுக்கு வழங்கிய முதலமைச்சர், பின்னர் பக்தர்களுடன் சேர்ந்து அதை சாப்பிட்டார் .தொடர்ந்து பக்தர்கள், சிரமமில்லாமல் வந்து செல்ல செய்யப்பட்டுள்ள ஏற்பாடுகள் குறித்து, அதிகாரிகளுடன் ஆய்வு செய்தார்.