கார் ரேஸில் ஈடுபட்ட இளைஞர்கள் : கார் மோதி காவலாளி ஒருவர் உயிரிழப்பு

ஈரோட்டில் கார் ரேஸில் இளைஞர்கள் ஈடுபட்ட போது, கார் மோதி காவலாளி ஒருவர் உயிர் இழந்தார். ஈரோடு கருங்கல்பாளையம் காவேரி சாலையில் இளைஞர்கள் சிலர், கார் ரேஸில் ஈடுபட்டனர். மதுபோதையில் இருந்த அவர்கள், காரை தாறுமாறாக ஓட்டியதில், ​பிரபல நகை கடை காவலாளி மீது கார் மோதியது. இதில் சம்பவ இடத்திலேயே ராஜலிங்கம் என்ற காவலாளி உயிர் இழந்தார், மற்றொரு காவலாளி படுகாயமடைந்தார். விபத்தை ஏற்படுத்திய டிரைவர் உள்ளிட்ட 4 பேர் காரில் இருந்து இறங்கி தப்பி சென்றனர். நெஞ்சை பதற வைக்கும் சிசிடிவி காட்சிகள் தற்போது வெளியாகியுள்ளது. இந்த காட்சிகளை கொண்டு கார் ரேஸில் ஈடுபட்ட இளைஞர்கள் குறித்து போலீசார் விசாரணை மேற்கொண்டு வருகின்றனர்.