இளம்பெண்ணின் கோரிக்கையை நிறைவேற்றிய கனிமொழி

திமுக சார்பில் கனிமொழி எம்பி கலந்து கொண்ட கிராமசபை கூட்டத்தில், தங்கள் ஊர் நூலகத்துக்கு புத்தகங்கள் வேண்டும் என்ற இளம்பெண்ணின் கோரிக்கையை ஏற்று அங்கு புத்தகங்கள் அனுப்பி வைக்கப்பட்டன. தூத்துக்குடி மாவட்டம் குறுக்கு சாலை பகுதியில் கடந்த 18-ம் தேதி திமுக சார்பில் கிராம சபை கூட்டம் நடத்தப்பட்டது. எம்.பி.கனிமொழி தலைமையில் நடைபெற்ற கூட்டத்தில் பேசிய இளம்பெண் ஒருவர், தங்கள் கிராமத்தின் நூலகத்துக்கு புத்தகங்கள் கோரினார். இதைத் தொடர்ந்து திமுக சார்பில், 300 புத்தகங்களை கனிமொழி எம்பி அனுப்பி வைத்தார்.