கஜா புயல் பாதிப்பு எதிரொலி : முட்டை விலை ரூ.4-க்கு விற்பனை

முட்டை விலை 20 காசுகள் குறைந்து 4 ரூபாயாக விலை நிர்ணயம் செய்யப்பட்டுள்ளது. நாமக்கல் மண்டலத்தில் தினமும் மூன்றரை கோடி முட்டைகள் உற்பத்தி செய்யப்படுகின்றன. இவை தமிழக அரசின் சத்துணவுத் திட்டம் மற்றும் உள்நாடு மற்றும் வெளிநாடுகளுக்கு விற்பனைக்கு அனுப்பப்பட்டு வருகிறது. இந்நிலையில் கஜா புயல் தாக்கிய புதுக்கோட்டை, தஞ்சாவூர், திருவாரூர், நாகப்பட்டினம் உள்ளிட்ட மாவட்டங்களில் பெரும்பாலான பள்ளிகள் திறக்கப்படாத காரணத்தால் சத்துணவு முட்டைகள் தேக்கம் அடைந்துள்ளன. கார்த்திகை தீபம், ஐயப்ப பக்தர்கள் விரதம் மேற்கொள்வது உள்ளிட்டவை காரணமாக முட்டை நுகர்வு வெகுவாக குறைந்துள்ளது. இதன் காரணமாக முட்டை விலை 20 காசுகள் குறைந்து, 4 ரூபாயாக விலை நிர்ணயம் செய்யப்பட்டுள்ளது.