அம்மன் கோயில்களில் களைகட்டும் ஆடித்திருவிழா
பதிவு : ஆகஸ்ட் 11, 2018, 10:35 AM
விருதுநகர் மாவட்டம் ஸ்ரீவில்லிபுத்தூர் அருகே உள்ள, பிரசித்தி பெற்ற சுந்தர மகாலிங்கம் கோயிலில், சிறப்பு அதிரடிப்படை பாதுகாப்பு போடப்பட்டுள்ளது.
தரை மட்டத்தில் இருந்து 4 ஆயிரத்து 500 அடி உயரத்தில்  உள்ள சுந்தர மகாலிங்கம் கோயிலுக்கு, பல்வேறு பகுதிகளில் இருந்து ஏராளமான பக்தர்கள் வருகை தருகின்றனர். இந்நிலையில், ஆடி அமாவாசையை முன்னிட்டு, கடந்த 8ஆம் தேதி முதல் வரும் 14ஆம் தேதிவரை பக்தர்கள் கோயிலுக்கு செல்ல மாவட்ட நிர்வாகம் சார்பில் அனுமதி வழங்கப்பட்டுள்ளது.இந்நிலையில், பக்தர்களின் பாதுகாப்பை உறுதி செய்யவும், மாவோயிஸ்ட் ஊடுருவலைத் தடுக்கவும், 40-க்கும் மேற்பட்ட துப்பாக்கி ஏந்திய அதிரடி சிறப்பு படையினர் முதன்முறையாக குவிக்கப்பட்டு, ரோந்து பணியில் ஈடுபடுத்தப்பட்டுள்ளனர்.


மஹாமாரியம்மன் ஆலயத்தில் மஹாயாகம்

மயிலாடுதுறை அருகே மாப்படுகை ஸ்ரீவினைதீர்க்கும் மஹாமாரியம்மன் ஆலயத்தில் நவசண்டி மஹாயாகம் மற்றும் திருவிளக்கு பூஜை நடைபெற்றது. பட்டுப்புடவை ஹோமம் ,வஸோத்தார ஹோமம் மற்றும் மஹா தீபாராதனை நடைபெற்றது. இதனைத் தொடர்ந்து தருமபுரம் இளைய ஆதீனம்  மாசிலாமணி தேசிக ஞானசம்பந்த பரமாச்சாரிய சுவாமிகள் குத்துவிளக்கு ஏற்றி பக்தர்களுக்கு அருளாசி வழங்கினார். 

முத்துமாரியம்மன் கோயிலில் ஆடித்திருவிழா

ஒசூர் சிப்காட் பகுதியில் முத்துமாரியம்மன் கோயிலில் ஆடித்திருவிழா நடைபெற்றுவருகிறது. நேற்று தாய்வீட்டு சீதனப் பொருட்களுடன் பூ கரகங்கள் எடுத்து வரப்பட்டு, அம்மனுக்கு பலவித பொருட்களுடன் அபிஷேகம் செய்யப்பட்டது.  இதையடுத்து, கோட்டை மாரியம்மன் கோயிலில் இருந்து பக்தர்கள், தங்களது உடலில் அலகு குத்தியபடியும், அலகு குத்தி வாகனங்களில் தொங்கியபடியும், சக்தி கரகம், அக்னி கரகம் போன்றவற்றை நேர்த்திக்கடனாக எடுத்துவந்தனர். இந்த விழாவில் ஏராளமானோர் கலந்து கொண்டு அம்மனை தரிசித்தனர்.

ஆதிகும்பேஸ்வரர் கோயிலில் கோலாகலம்

ஆடி கடைவெள்ளியையொட்டி கும்பகோணம் ஆதி கும்பேஸ்வரர் கோயிலில் பெண்கள் குத்து விளக்கு ஏற்றி வழிபாடு செய்தனர். அங்குள்ள மங்காளம்பிகையம்மன், துர்கையம்மன், விநாயகருக்கு சந்தனகாப்பு அலங்காரம் செய்யப்பட்டு மகா தீபாராதனை நடந்தது. இரவு நேரத்தில் 500 பெண்கள் குடும்ப நன்மைக்காக குத்து விளக்கு ஏற்றி வழிபாடு நடத்தினர். 

பாதாளமாரியம்மனுக்கு ஒரு லட்சம் வளையல்

கும்பகோணம் அருகே உள்ள திருபுவனம் பாதாளமாரியம்மன் கோயிலில் ஆடிமாத கடைவெள்ளியை முன்னிட்டு அம்பாளுக்கு ஒரு லட்சம் வளையல்கள் அணியப்பட்டு சிறப்பு அலங்காரம் மேற்கொள்ளப்பட்டது. இங்குள்ள பச்சைக்காளி, பவளக்காளிக்கு காய்கனிகளால் அலங்காரமும்,  மூலவர் பாதாள காளியம்மனுக்கு ரூபாய் நோட்டு அலங்காரமும் செய்யப்பட்டிருந்தது.  இதனைத் தொடர்ந்து ஏராளமான பெண்கள் தங்களது வேண்டுதல் நிறைவேற கோயிலில் அமர்ந்து வளையலை அணிந்து கொண்டனர். 

முனீஸ்வரர் கோயிலில் ஆடித்திருவிழா

தூத்துக்குடியில் முத்துகிருஷ்ணாபுரம் பகுதியில் உள்ள முனீஸ்வரர் கோயிலில் ஆடித் திருவிழா கோலகலமாக நடைபெற்று வருகிறது. விழாவின் முக்கிய அம்சமாக உலக நன்மை வேண்டியும், மழை வேண்டியும் மாவிளக்கு ஊர்வலம் நடைபெற்றது. இதில் ஏராளமான பெண்கள் கலந்து கொண்டனர். பின்னர் கோயிலில் நடைபெற்ற பூஜையில் பக்தர்கள் அம்மனை வழிபட்டனர்.

அம்மனுக்கு வளையல்களால் சிறப்பு அலங்காரம் 

ஆடிவெள்ளியையொட்டி மேட்டுப்பாளையம் தவிட்டுமாரியம்மன் கோவிலில் 8 ஆயிரம் வளையல்களால் அம்மனுக்கு சிறப்பு அலங்காரம் செய்யப்பட்டது. இதேபோல் கருமாரியம்மனுக்கும், பேட்டை மகாமாரியம்மனுக்கும் சிறப்பு அபிஷேக அலங்கார பூஜைகள் நடைபெற்றது. பெண்கள் குத்துவிளக்கில் தீபமேற்றி குங்குமத்தாலும், மலர்களாலும் அர்ச்சனை செய்து அம்மனை  வழிபட்டனர்.

பட்டுநெசவு செய்வதுபோல் அம்மனுக்கு அலங்காரம்

தஞ்சாவூர் மாவட்டம் திருவிடைமருதூர் அருகே திருபுவனத்தில் பட்டு நெசவு தொழிலாளர்கள் ஏராளமானோர் வசித்து வருகின்றனர். கடந்த சில ஆண்டுகளாக பட்டு கைத்தறி தொழில் நலிவடைந்த வருவதைத் தடுக்கவும், தொழில் மேம்பாடு அடையவும் வலியுறுத்தி, திருப்புவனம் தோப்புத்தெருவில் உள்ள செல்வமாரியம்மனுக்கு, பட்டு கைத்தறி நெசவு செய்யும் அலங்காரம் செய்து அம்மனை வழிபட்டனர்.

பிள்ளைத்தோட்ட ஆனந்த முத்துமாரியம்மன் தேர் திருவிழா 

புதுச்சேரி பிள்ளைத்தோட்ட ஸ்ரீ ஆனந்த முத்துமாரியம்மன் கோயில் ஆடி மாத பிரமோற்சவ விழாவையொட்டி தேர் திருவிழா நடைபெற்றது. இதில் முதலமைச்சர் நாராயணசாமி உள்ளிட்டோர் கலந்துகொண்டு தேரை வடம் பிடித்து இழுத்தனர். 

தொடர்புடைய செய்திகள்

இலங்கை கடற்படையால் கைதான 14 மீனவர்கள் : 14 பேரையும் விடுதலை செய்த இலங்கை நீதிமன்றம்

ஓரிரு நாளில் தாயகம் திரும்புவார்கள் என எதிர்ப்பார்ப்பு

17 views

துரைமுருகன் வீட்டை முற்றுகையிட முயற்சி : போராட்டத்தில் ஈடுபட்ட தே.மு.தி.கவினர் கைது

திமுக பொருளாளர் துரைமுருகனின் காட்பாடி இல்லத்தை முற்றுகையிட்டு தேமுதிக கட்சியினர் போராட்டம் நடத்தியதால் அங்கு பெரும் பரபரப்பு ஏற்பட்டது.

105 views

பிற செய்திகள்

50 ஆண்டுகளாக தொடர்ந்த ஏறுதழுவுதலுக்கு அனுமதி மறுப்பு - மக்கள் வேதனை

சேலம் மலங்காடு கிராமத்தில் தொடர்ந்து 50 ஆண்டுகளாக பின்பற்றி வந்த ஏறுதழுவுதல் விழாவிற்கு, தேர்தல் காரணமாக அனுமதி மறுக்கப்பட்டதால் கிராம மக்கள் வேதனை தெரிவித்தனர்.

26 views

தேசிய அளவில் புதிய பாடத்திட்டம் தயாரிப்பு பணி தொடக்கம்

தேசிய அளவில் புதிய பாடத்திட்டம் தயாரிப்பு பணி தொடங்கி உள்ளதாக தேசிய கல்வி ஆராய்ச்சி மற்றும் பயிற்சி நிறுவன இயக்குனர் சேனாபதி தெரிவித்துள்ளார். *

42 views

மனைவி பாலியல் பலாத்காரம் செய்யப்பட்ட வழக்கு - சிபிசிஐடி விசாரணைக்கு உத்தரவிடக்கோரி கணவர் மனு

மனைவி பாலியல் வன்கொடுமை செய்தது தொடர்பான புகாரின் மீது போலீசார் உரிய நடவடிக்கை எடுக்காததால் வழக்கை சிபிசிஐடி விசாரிக்க உத்தரவிடக் கோரி, சாஜ் என்பவர் மதுரை உயர்நீதிமன்ற கிளையில் மனுதாக்கல் செய்து இருந்தார்.

127 views

கஜா பாதிப்பில் இருந்து மீண்டு பூ பூத்த முந்திரி மரங்கள்

நாகை மாவட்டம் வேதாரண்யம் அருகே கஜா புயல் பாதித்த ஒரு சில இடங்களில், முந்திரி மரங்களில் பூக்கள் பூத்துள்ளதால் விவசாயிகள் மகிழ்ச்சி அடைந்துள்ளனர்.

14 views

மத்திய தொழில் பாதுகாப்பு படையினர் கொண்டாடிய ஹோலி

மதுரை விமான நிலையத்தில் பணியாற்றும மத்திய தொழில் பாதுகாப்பு படையினர் ஹோலி பண்டிகையை உற்சாகமாக கொண்டாடி மகிழ்ந்தனர்.

7 views

ஹோலி பண்டிகை கொண்டாட்டத்தில் தேர்தல் விழிப்புணர்வு

சென்னை புளியந்தோப்பு ஸ்டிபன்சன் சாலையில் உள்ள தனியார் அடுக்குமாடி குடியிருப்பில் 1500 குடும்பங்கள் வசித்து வருகின்றனா்.

16 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.