அதிமுக கூட்டணி தொகுதி பட்டியல் இன்று வெளியீடு

அ.தி.மு.க. கூட்டணி தொகுதிகள் ஒதுக்கீடு பட்டியல் இன்று வெளியாக உள்ளது. தமிழகத்தில் அ.தி.மு.க. தலைமையிலான கூட்டணியில் பா.ம.க., பா.ஜ.க., தே.மு.தி.க., த.மா.கா, புதிய தமிழகம், புதிய நீதிக்கட்சி மற்றும் என். ஆர். காங்கிரஸ் ஆகிய கட்சிகள் இடம் பெற்றுள்ளன. இந்த கட்சிகளுக்கு எத்தனை தொகுதிகள் என்பது ஏற்கனவே முடிவு செய்யப்பட்டு விட்ட நிலையில், எந்த கட்சிக்கு எந்த தொகுதி என்பதை முடிவு செய்வதில் கால தாமதம் நிலவி வந்தது. விஜயகாந்த்தை பா.ம.க. நிறுவனர் ராமதாஸ், முதலமைச்சர் எடப்பாடி பழனிசாமி உள்ளிட்ட கூட்டணி கட்சி தலைவர்கள் அடுத்தடுத்து சந்தித்து பேசியதில், இழுபறி முடிவுக்கு வந்ததாக கூறப்படுகிறது. இதனால்  அ.தி.மு.க. கூட்டணி தொகுதி பட்டியல் இன்று அதிகாரப் பூர்வமாக வெளியாகும் என எதிர்பார்க்கப்படுகிறது.