சிறை தண்டனை எச்சரிக்கை, மிரட்டும் தொனியில் இருப்பதாக அரசியல் கட்சி தலைவர்கள் அதிர்ச்சி
பதிவு : ஜூன் 25, 2018, 09:55 PM
தமிழக ஆளுநரின், 7 ஆண்டு சிறை தண்டனை எச்சரிக்கை, மிரட்டும் தொனியில் இருப்பதாக அரசியல் கட்சி தலைவர்கள் அதிர்ச்சி தெரிவித்துள்ளனர் . மாவட்ட வாரியாக ஆளுநர் பன்வாரிலால் புரோகித் ஆய்வு மேற்கொள்வதற்கு, தமிழக தலைவர்கள், தங்கள் எதிர்ப்பை உறுதிபட பதிவு செய்துள்ளனர்.
தமிழக ஆளுநர் பன்வாரிலால் புரோகித்தை பணி செய்ய விடாமல் தடுத்தால், 7 ஆண்டுகள் சிறை தண்டனை மற்றும் அபராதம் விதிக்கப்படும் என சென்னை - ராஜ்பவன், வெளியிட்ட எச்சரிக்கைக்கு, தமிழக அரசியல் கட்சி தலைவர்கள் கடும் கண்டனம் தெரிவித்துள்ளனர்.

திராவிடர் கழக தலைவர் கி. வீரமணி வெளியிட்டுள்ள அறிக்கையில்,
ஆட்டுக்கு தாடி எதற்கு ? - நாட்டுக்கு ஆளுநர் எதற்கு ? என அண்ணா
கூறியிருந்த கருத்தை சுட்டிக்காட்டி உள்ளார்.  

ஆளுநர் பன்வாரிலால் புரோகித்தன் ஆய்வு குறித்து, தமிழ்நாடு காங்கிரஸ்
தலைவர் திருநாவுக்கரசர், புதுடெல்லியில் "தந்தி டிவி"- க்கு பேட்டி அளித்த
போது, இது விதி மீறல் நடவடிக்கை என்றார். தமிழகத்தில் கடும் எதிர்ப்பு எழுந்துள்ளதால், ஆய்வு செய்வதை,  ஆளுநர், குறைத்து கொள்ள வேண்டும் என்று திருநாவுக்கரசர் கேட்டுக்கொண்டார். 

மதிமுக பொதுச்செயலாளர் வைகோ வெளியிட்டுள்ள அறிக்கையில், மத்திய அரசு, ஆளுநரை கொண்டு, தமிழகத்தில் ஒரு போட்டி அரசாங்கம் நடத்துவதை ஒருபோதும் அனுமதிக்க முடியாது என திட்டவட்டமாக தெரி வித்துள்ளார்.  

தமிழக ஆளுநரின் சிறை தண்டனை எச்சரிக்கை, மிரட்டும் தொனியில் இருப்பதாக அம்மா மக்கள் முன்னேற்றக்கழக துணை பொதுச்செயலாளர்
டி.டி.வி. தினகரன் தெரிவித்துள்ளார். கரூரில் செய்தியாளர்களிடம் பேசிய அவர், தமிழகத்தில் ஆளுநர் ஆய்வு மேற்கொள்வது தவறு என்றார். 

இந்திய கம்யூனிஸ்ட் கட்சியின் மூத்த தலைவர் தா.பாண்டியன், அதிகாரம் இருக்கிறது என்பதற்காக மாநிலங்களின் உரிமையிலும், மக்களின் உரிமை களிலும் தமிழக ஆளுநர் தலையிடுவதை ஒருபோதும் ஏற்றுக் கொள்ள முடியாது என்று திட்டவட்டமாக தெரிவித்துள்ளார்.  

மார்க்சிஸ்ட் கம்யூனிஸ்ட் கட்சியின் தமிழ் மாநில செயலாளர் கே. பாலகிருஷ்ணன் விடுத்துள்ள அறிக்கையில், மக்களால் தேர்ந்தெடுக் கப்பட்ட ஆட்சி இருக்கும்போது, இரட்டை ஆட்சி நடப்பதை போன்று, ஆளுநர் செயல்படுவது கண்டனத்திற்குரியது என குறிப்பிட்டு உள்ளார்.  

இந்திய கம்யூனிஸ்ட் கட்சியின் தமிழ் மாநில செயலாளர் முத்தரசன் வெளியிட்டுள்ள அறிக்கையில், தமிழகத்தில் ஆளுநரின் ஆய்வு தொடரும் என வெளியிடப்பட்ட அறிவிப்பு, மிரட்டும் தொனியில் உள்ளதாக குறிப்பிட்டு உள்ளார்.  

விடுதலை சிறுத்தைகள் கட்சியின் தலைவர் திருமாவளவன், ஆளுநருக்கு எதிராக போராட்டத்தில் ஈடுபட்டு, சிறையில் அடைக்கப்பட்ட திமுக தொண்டர்களை உடனடியாக விடுதலை செய்ய வேண்டும் என அறிக்கை
ஒன்றில் கேட்டுக்கொண்டுள்ளார்.

தொடர்புடைய செய்திகள்

நிர்மலாதேவி வழக்கு - சிபிஐ விசாரனை கோரி மனு

கல்லூரி மாணவிகளை தவறான பாதைக்கு அழைத்த விவாகரத்தில் சிபிஐ விசாரிக்க கோரிய வழக்கில் நிர்மலா தேவி ஆஜராகி நீதிபதிகளிடம் விளக்கமளித்தார்

27 views

1 கோடி மரங்கள் நடும் திட்டம் - ஆளுனர் பன்வாரிலால் தொடங்கி வைத்தார்

தமிழகம் முழுவதும் 1 கோடி மரங்கள் நடும் திட்டம் தமிழக கவர்னர் பன்வாரி லால் புரோகித் தொடங்கி வைத்தார்

30 views

இந்தியாவின் வளர்ச்சிக்கு ஊழல் மிகப்பெரிய தடையாக உள்ளது - ஆளுநர் பன்வாரிலால் புரோஹித்

இந்தியாவின் வளர்ச்சிக்கு ஊழல் மிகப்பெரிய தடையாக உள்ளது என தமிழக ஆளுநர் பன்வாரிலால் புரோஹித் தெரிவித்துள்ளார்.

129 views

திமுகவினர் கைது செய்யப்பட்டதற்கு ஸ்டாலின் கண்டனம்

நாமக்கல்லில் ஆளுநருக்கு கருப்பு கொடி காட்டியதால் கைது செய்யப்பட்ட தி.மு.க.வினர் 192 பேர் சிறையில் அடைக்கப்பட்டனர் - கைது செய்யப்பட்டதற்கு ஸ்டாலின் கண்டனம்

150 views

பிற செய்திகள்

வேலூரில் முகவரி இல்லை, சொத்துக்கள் உள்ளன - கதிர் ஆனந்த் பேச்சுக்கு ஏ.சி.சண்முகம் பதில்

முகவரி இல்லை என்றாலும், வேலூரில் தமக்கு சொத்துகள் இருப்பதாக, அ.தி.மு.க. கூட்டணி வேட்பாளர் ஏ.சி. சண்முகம் தெரிவித்துள்ளார்.

42 views

ஸ்டாலின் நிலைப்பாடை மாற்றி 2021 தேர்தல் பற்றி பேசுகிறார் - அமைச்சர் ஜெயக்குமார்

ஸ்டாலின் தனது நிலைப்பாட்டை மாற்றி தற்போது 2021 தேர்தலில் வெற்றிபெறுவேன் என்று கூறி வருவதாக அமைச்சர் ஜெயக்குமார் தெரிவித்துள்ளார்.

17 views

"நீட் தேர்வு கூடாது என்பது தான் அரசின் கொள்கை" - அமைச்சர் செங்கோட்டையன்

நீட் தேர்வு தமிழகத்தில் கூடாது என்பது தான் அரசின் கொள்கையாக உள்ளது என்று பள்ளி கல்வித்துறை அமைச்சர் செங்கோட்டையன் தெரிவித்துள்ளார்.

10 views

புதுச்சேரி சட்டப்பேரவையில் எதிர்க்கட்சியினர் வெளிநடப்பு

மக்கள் பிரச்சினைகளை பற்றி பேச அனுமதிக்கவில்லை என கூறி அதிமுக உள்ளிட்ட எதிர்க்கட்சியினர் புதுச்சேரி சட்டப்பேரவையில் இருந்து வெளிநடப்பு செய்தனர்.

10 views

கொட்டும் மழையிலும் அ.தி.மு.க. பிரசாரம்

வேலூர் மாவட்டம் ஆம்பூரில் கொட்டும் மழையை பொருட்படுத்தாமல் அதிமுக கூட்டணி வேட்பாளர் ஏ.சி.சண்முகம் பிரசாரம் மேற்கொண்டார்.

27 views

விவசாயிகளுக்கு உரிய இழப்பீடு நில எடுப்புக்கு வழங்கப்படுகிறது - எடப்பாடி பழனிசாமி

மத்திய அரசின் சாலைத் திட்டத்தை அரசு ஆதரிப்பதாக முதலமைச்சர் எடப்பாடி பழனிசாமி தெரிவித்துள்ளார்.

14 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.