திண்டிவனத்தில் ஆவணமின்றி காரில் எடுத்து செல்லப்பட்ட 5 கிலோ வெள்ளிக் காசுகள் பறிமுதல் செய்யப்பட்டுள்ளது. விக்கிரவாண்டி தொகுதி இடைத்தேர்தலையொட்டி, தேர்தல் பறக்கும் படைகள் தீவிர வாகன சோதனையில் ஈடுபட்டு வருகின்றனர். இந்நிலையில் திண்டிவனம் - சென்னை தேசிய நெடுஞ்சாலையில் கல்லூரி சந்திப்பில், தேர்தல் பறக்கும் படை நடத்திய சோதனையில், காரில் இருந்து இந்த 5 கிலோ வெள்ளிக்காசுகள் பறிமுதல் செய்யப்பட்டன. இதையடுத்து அவை வட்டாட்சியர் அலுவலகத்தில் ஒப்படைக்கப்பட்டன. இதேபோல், தனியார் ஆம்னி பேருந்தில் ஒருவரிடம், ஆவணம் இன்றி ஒரு லட்சத்து 40 ஆயிரம் ரூபாய் பணம் பறிமுதல் செய்யப்பட்டது.